Historikk;  

Alt i 1909 vart Kr. Steinsbø etablert. Det heile starta med ein snekkerverkstad på Steinsbø. Etterkvart som aktiviteten auka på, vart det trong for meir tenleg transport. Difor vart verksemda flytta til Urangsvåg i 1919, og sjøen vart då transportveg nr.1.

Kr.Steinsbø var heilt fram til 1937 ein trevarefabrikk, der ein produserte dører, vindaugo og andre liknande ting. I 1937 byrja me å selja hus.

I 1958 brann heile verksemda i Urangsvåg ned, men vart bygd opp att i løpet av eit par år.

I september 1982 flytta me til Hollundsdalen, i dei lokala me held til i no. 

I 2001 delte me verksemda i to, Kr.Steinsbø AS og Steinsbø Hus AS. I dag er Kr.Steinsbø AS med i XL-bygg kjeden, og Steinsbø Hus AS er med i Blink Hus kjeden.

Verksemda har utvikla seg med tida og leverer kvalitetshus i tråd med dagens og morgondagens krav. Me tar ansvar for bygginga frå A til Å, og disponerer all den ekspertise du treng. Handplukka snikkarar, elektrikarar og røyrleggjarar frå vår eigen kommune. Målet er at du skal få eit godt hus og vera sikra mot ubehagelege overraskingar i byggjetida og seinare. Kunden sine ynskje skal takast vare på. Saman med vår fagkunnskap og erfaring trur me at samarbeidet vil gje det beste resultatet!

Idéar, tips og fagleg rettleiing får du hos oss heilt frå dei første byggeplanane tar form!

Vår hovudoppgåve er; å gjere det enklare for deg å byggja draumebustaden.